Historie
De Kètsers es un vastelaovundj-vereiniging di-j in de Midden-Limburgse stad Wieërt
op 23 desember 1983 es opgerichtj doeër zes persoeëne. Op dit
mement bestieët de vereiniging uut drejentweentjig persoeëne
woeë onger zieëve manne, zieëve vrolluj en tieën wichter. Sins
1984 zeen vae begonne um kreasies te bouwe vör de Groeëte Optocht
in Wieërt. Vae begoste met unne kleine groep,en ginge stilaan nao
unne kleine waage. Nao verlaop van tieëd hebbe vae de staote schoon
aan getrokke en zeen vae in ut sezoen 1988-1989 gestartj met ut bouwe
van unne groeëte waage. Oeëze waage sprong d'r gelieëk
uut en woeërd dan auch doeër de juurie gewaardieërdj met
unne dikke ieërste prieës, zjuust un paar peunte onger de fel
begeerdje Gouwe Rog. Ut sezoen daonao woor ut holle klot, want met oeës
kreasie "Es de vastelaovundj
achter de rök, dan gaon vae nao de Noordpool trök"
behaaldje vae
neet allein in de kategorie groeëte waages ut hoeëgst aantal
peunte, mer ut hoeëgst aantal peunte van alle kattegorieë, dus......
de Gouwe Rog krieëge vae vör ut ieërst in oeës bezit!
Un belaeving um noeëts mieër te vergaete. De jaore daonao hebbe
vae nog un aantal jaore unne groeëte waage kunne bouwe en zoote vae
altieëd in de top drej van oeës kategorie. Op un gegaeve mement
- doeër ut uutblieëve van un bouwruumdje - hebbe vae een aantal
jaore neet met unne waage mej kunne doon, terwiel dit eigeluk waal in
oeës blood zitj. Tot 1998........ toen hebbe vae besloete um saame
te gaon bouwe met un ânger vastelaovundj-vereiniging genaamdj "de
Flaârisse". Vae haaje gein loeëds um te bouwe, zeuj haaje
gein minse um te bouwe. En di-j saamewêrreking woor d'r ein um neet
te vergaete, want vör de twieëdje kieër in oeës bestaon
kwoom dae Gouwe Rog in ut sezoen 1998 - 1999 met "Vorst-en-Dom"
in oeës bezit.
Auch ut sezoen daonao woor ut weer raak want in 2000 hebbe vae de Rog ingeleeverdj, um dae de volgendje daag weer van oeëze Opper Opper Rogstaeker trök te krieëge. De kreasie "Unne Limbo in Rio" woeërd met un ongekindj hoeëg aantal peunte - te wieëte 194 van de 200 - beloeëndj met de Rog.
Ut sezoen 2001 hebbe vae os met "Gekke Toeere" ekstra ingezatte um met un schoeën, bewieglukke en kluurrieëke kreasie vör de daag te kaome um nog unne kieër te pooge dae Rog in oeës bezit te krieëge zoeëdèt dae vör âltieëd in oeës bezit zoeej blieeve. Want nao drej opvolgendje jaore hooftj dae fel begeerdje Gouwe Rog neet mieër ingeleverdj te waere. En welleke rasechte Wieërter optochtbouwer wiltj det noow neet............ Jaomer genog es det net neet gelöktj. Mèr det lokdje os in 2002 weer waal! Met de kreasie "ligjt d'n dirigênt onger de wol, dan slaon de instrumênte op hol" blieëve vae de ânger deilnemers vuuër en fieësje vae de rest vanne vastelaovuntj met oeëze veerdje Gouwe Rog.
Un volledig oeëverzicht van oeës kreasies - in woeërd en bieëldj inklusief de behaaldje prieëze - kijjae heej rechts bekieke via 't "kreasie" menu.
Auch ut sezoen daonao woor ut weer raak want in 2000 hebbe vae de Rog ingeleeverdj, um dae de volgendje daag weer van oeëze Opper Opper Rogstaeker trök te krieëge. De kreasie "Unne Limbo in Rio" woeërd met un ongekindj hoeëg aantal peunte - te wieëte 194 van de 200 - beloeëndj met de Rog.
Ut sezoen 2001 hebbe vae os met "Gekke Toeere" ekstra ingezatte um met un schoeën, bewieglukke en kluurrieëke kreasie vör de daag te kaome um nog unne kieër te pooge dae Rog in oeës bezit te krieëge zoeëdèt dae vör âltieëd in oeës bezit zoeej blieeve. Want nao drej opvolgendje jaore hooftj dae fel begeerdje Gouwe Rog neet mieër ingeleverdj te waere. En welleke rasechte Wieërter optochtbouwer wiltj det noow neet............ Jaomer genog es det net neet gelöktj. Mèr det lokdje os in 2002 weer waal! Met de kreasie "ligjt d'n dirigênt onger de wol, dan slaon de instrumênte op hol" blieëve vae de ânger deilnemers vuuër en fieësje vae de rest vanne vastelaovuntj met oeëze veerdje Gouwe Rog.
Un volledig oeëverzicht van oeës kreasies - in woeërd en bieëldj inklusief de behaaldje prieëze - kijjae heej rechts bekieke via 't "kreasie" menu.
